АШИМОВ

АШИМОВ Исабек (1953-ж. т., Баткен обл., Лейлек р-ну, Кара-Даван кыш.) ‒ хирург, медицина илимд. доктору (1995) жана философия илимд. доктору (2000), проф. (1997), КР УИАнын корр. мүчөсү (2006), акад. (2021). КММИни (1976), ошол жерде ординатураны (1982) бүтүргөн. Лейлек р-ндук оорукананын бөлүм башчысы, КММИнин ассистенти, доценти. 1998-жылдан УХБунун лабор. башчысы.Кыргыз Республикасынын УИАда аттестация бөлүмүнүн башчысы, ошол эле жерде улук илимий секретарь, КМКД жана КЖИде врачтарлдын билимин жогорулатуу фак-тинин хирургия кафедрасында проф. Клиникалык жана эксперименттик хирургия, патфизиология, философия б-ча адис. КРдин эмг. сиӊ. врачы (1995). 324төн ашык ил. эмгектери, анын ичинде 38 монографиясы, 33 ойлоп табуусу бар.