АЦЕТИЛЕН ГЕНЕРАТОРУ

АЦЕТИЛЕН ГЕНЕРАТОРУ ‒ кальций карбидине (СаС₂) сууну кошуп, ацетилен газын (С₂Н₂) бөлүп алуучу аппарат. Ал процесс төмөнкү реакция б-ча жүрөт: СаС₂ + 2Н₂О = С₂Н₂ + Са(ОН)₂. Бул реакциянын натыйжасында 1 кг тех. СаС₂ден 20°С жана 101325 Н/м² (760 сым. мам. мм) басымдагы 235‒285 л С₂Н₂ алынат. СаС₂ден бөлүп алынуучу ацетилен газ пайда кылуучу генератордо алынат да, андан газ чогулткучка берилет. Жалпысынан төмөнкү (0,01 МН/м² же 0,1 кгк/см ² чейин), орт. (0,01‒0,15 МН/м² же 0,1‒1 кгк/см ²) жана жогорку (0,15 МН/м^г же 1 кгк/см ² ашык) басымдуу А. г. болуп айырмаланат. А. г. металл кесүү, ширетүү ж. б. иштерде колдонулат.