АММОНИЙ

АММОНИЙ, NH₄⁺ – азот менен суутек атомдорунан турган ион. Эркин абалында жолукпайт, бөлүүгө аракет кылганда эле аммиак жана суутекке ажырайт. Ал бирикмелеринде бир валенттүү металлдардын касиетине ээ. Эл чарбасында кеңири колдонулуучу туздары – (NH₄)₂C0₃, NH₄N0₃, (NH₄)₂S0₄, (NH₄)₂S₂0₈. А. хлориди NH₄C1 нашатырь деп аталып, медицинада көп колдонулат. Ал эми А. нитраты, сульфаты жана фосфаттары а. ч-да жер семирткич катары кеңири пайдаланылат. А. туздарынын көпчүлүгү сууда жакшы эрүүчү кристаллдар; ысытканда NH₃ бөлүнүп чыгып, оңой ажырайт.