АЛТАЙ КОРУГУ

АЛТАЙ КОРУГУ– Алтай Респ-ндагы мамл. табият паркы. Аянты 8,8 миң км². Чулышман

д-нын оң жээгинде, Төлөс көлүнөн чыгыш тарапта деңиз деңг. 1000–1200 м бийиктикте, эң бийик жери 3000 мден ашык. Түш. Сибирдин
тайгасын жана бийик тоо тундрасын коргоо
максатында 1932-ж. уюшулган. Коруктун аймагынын 20%тейин аска-зоокалар, корум-шагыл-таштар, 45%тен ашык аянтын токой ээлейт.
Токоюнда көк карагай, бал карагай, кара карагай,
кызыл карагай үстөмдүк кылат. Бийиктик алкактуулугунда талаа, субальп жана альп шалбаасы, тоо тундра зоналары өзгөчөлөнүп турат.
Марал, багыш, тоо эчки, кабарга, кундуз (киш),
күрөң аюу, сейрек кездешүүчүлөрдөн илбирс (РФнын Кызыл китебине кирген) мекендейт. А. к. Буткул дуйнөлук мурастын тизмесине катталган.