АЛА-АРЧА ЧОПО КЕНИ

АДА-АРЧА ЧОПО КЕНИ, Т ү н д ү к К а р а -С у у у ч а с т о г у Чүй обл-нун Аламүдүн р-нунда, Төмөнкү Ала-Арча кыш-нан 1,5 км түн. тарапта, Ала-Арча суусунун боюнда, деӊиз деӊг. 688‒697 м бийиктикте. Кен 1927-жылдан белгилүү. Кен аймагын боз, күӊүрт сары түстөгү лёсс сымал кумайлуу топурак (чопо) жана анын арасындагы шагылдуу кум линзаларынан турган антропоген мезгилинин дарыя чөкмөлөрү түзөт. Чопо катмарларынын жалпы калыӊдыгы 43 м, анын чалгындалганы 4‒8 м. Аянты 52 га жерде кендин запасы В+С₁ категориясы б-ча 3,8 млн м³ (1986). Калган запасы В категориясы б-ча 1180 миӊ м³, С₁‒2258 миӊ м³, В+С₁‒3438 миӊ м³. Карьер түрүндө казылып алынган чоподон Бишкектеги «Красный строитель» кирпич з-дунда «75‒150» маркасындагы кирпич даярдалат.