АК-ТЕРЕК-2 КУМ-ШАГЫЛ КЕНИ

АК-ТЕРЕК - КУМ-ШАГЫЛ КЕНИ Ош обл-нун Кара-Суу р-нуда. Ош ш-нан 10 км түш.-батышта, деӊиз деӊг. 1170‒1350 м бийиктикте. 1984-ж. геол. чалгындоо иштери аткарылган. Кен неоген‒төмөнкү төртүнчүлүк мезгилинде пайда болгон борпоӊ кум-шагыл чөгүндүлөрүнөн турат. Кум-шагылдын калыӊдыгы 68 мден 90 мге чейин өзгөрөт. Кесек кошумча 18% кой таштан, 50% жумуруланган таштан, 26,5% кумдан турат; 0,14 ммден майдасы 5,14%. Кум-шагылды бетон даярдоого жана жол курулушунда пайдаланууга болот. Запасы В ‒ 6236 миӊ м³, С₁ ‒ 6559 миӊ м³, В+С₁ ‒ 12795 миӊ м³.