АЙЛАМПА

АЙЛАМПА ирим, айлан көчөк – дарыянын же деңиздин үстүнкү бетиндеги айрым жерлерде суунун имерилип оргуп агышы­нан пайда болгон ирим. А. көлмөлөрдө же агын сууларда эки агымдын кездешкен жеринде, суу нугундагы чуңкур жерлерде же анын жээгинде чыгып турган урчуктарды имерилип агарда, о. эле суу нугунун кескин жайылып кетер ал­дында пайда болот. Ал эми деңиздерде ташкын жана тартылуу толкундарынын, о. эле карама­-каршы агымдардын кошулган жерлеринде жа­ралат. А‑нын диаметри бир нече смден, океан­дарда бир нече кмге жетет.