АЗРАКИТТЕР

АЗРАКИТТЕР – харижиттердин эң катаал жана келишпес секталарынын бири. Ага Нафи ибн аль Азрек (685‑ж. курман болгон) негиз сал­ган. 7‑к‑дын экинчи жарымында халифатта харижиттердин көтөрүлүшү тез‑тез болуп турган, алардын айрымдары (мис., Ирак менен Иран­да) ондогон жылдарга созулган. Алар кулдарды боштондукка чыгаруучулар жана эзүүдөгүлөрдү кор­гоочу катарында чыгышкан. А‑дин көтөрүлүшү 697‑ж. талкаланган. М. Абдылдаев.