АГЕНТЧИЛИК

АГЕНТЧИЛИК (англ. agency) ‒ мамлекеттин, коммерциялык, о. эле жеке адамдардын тапшырмаларын ишке ашыруучу уюм. Соода‒ өнөр жай ишканаларынын, банктардын маркетинг кызматын көрсөтүүчү А-ги да болот. А. өз ишмердигин ишканалардын, мекемелердин жана уюмдардын, жеке адамдардын статусуна жана багыттарына жараша жүргүзөт. Продукция өндүрүүчү менен кардарлардын ортосунда да ортомчулук милдетти аткарат. А. төлөм акысы анын иш тапшыруучу менен түзүлгөн келишимде көрсөтүлгөн принциптерге жана тарифтерге ылайык төлөнөт.