АВИАЦИЯ СПОРТУ

АВИАЦИЯ СПОРТУ — спорттун авиац. түрлөрүнүн жалпы аты. Ага авиамодель спорту, парашют спорту, планер спорту кирет. Эл аралык авиация федерациясы 1905-ж. түзүлгөн. А. с. Кыргызстанда 1934-ж. уюшулган. Бишкектеги авиация клубунда көп сандаган атактуу учкучтар (алардын катарында эки жолку Сов. Союз. Баатыры Т. Бегельдинов ж. б.) тарбияланган. Азыр респ-да А. с-нун көптөгөн чеберлери бар,анын ичинде И. Иванников – авиамоделизм б-ча дүйнөнүн рекордсмени.