АБСУРД

(лат. ab surdus - маанисиз)  ̶ мазмундун маанисиз, сандырактыгы. А-дун маанисин кеңейтүү  ̶ аны өзгөртүп түшүнүүгө, жаңы чектерин белгилөөгө мүмкүндүк берет. Мис., антикалык философияда А. реалдуу предметтер менен дал келишпеген, логикалык мыйзамдарды бузган, категорияларды чаташтырган, алмаштырган сөздөр менен байланыштырылган. 19–20-к-дарда логикада жана гносеологияда логикалык актылардын «предметтүүлүгүн» жана «предметсиздигин» айырмалоодо сюрреалисттик (реализмден артык) иск-во, А. театры, А-дук поэзия, А-дук кино, А-дук көркөм ад-т ж-дө жана онтология (болмуш илими) б-ча дүйнөнүн иррационалдуулугу, болмуштун A-дугу, адам менен дүйнөнүн трагедиялуу келише албастыгы жана байкалып-билинген А-дар ж-дө сөз болуп келген. Коом өркүндөп өнүккөн сайын А. азаят.