АБА ТРАНСПОРТУ

АБА ТРАНСПОРТУ — жүргүнчү, почта, жүк та шуучу транспорттун бир түрү. А. т. 1-дүйнөлүк согуштан кийин пайда болду. СССРде А. т-нун өнүгүшүнө 1923-ж. Бүткүл россиялык «Добролет» ыктыярдуу аба флоту жана «Укровоздухпункт» коомдорунун түзүлүшү өтө чоң түрткү берген. Сов. Союзу учурунда дүйнөдөгү эң ири аба державасы болгон. 1972-ж. аба жолунун уз. 780 миң кмди түзүп, А. т. 3500 айыл-кыштакты жана шаарды байланыштырган, 1971-ж. 82 млн жүргүнчү, 2087 миң m почта жүк ташыган; токой, а. ч.үчүн 74 млн га жерге хим. иштерди жүргүзгөн. 1950-жылдан тартып А. т-нда винттүү самолёттор реактивдүү самолёттор менен алмаштырыла баштаган. Кырг-нда А. т-нун өнүгүшү 1924-ж. Бүткүл россиялык «Добролет» ыктыярдуу аба флотунун О. Азиялык бөлүгүнүн түзүлүшүнө байланыштуу. Респ-када А. т. негизинен Улуу Ата Мекендик согуштан кийин өнүктү. Азыр респ-нын айрым р-ндору менен А. т. аркылуу байланыш түзүлгөн.
.