АРСЫ СИЕНИТ КЕНИ

АРСЫ СИЕНИТ КЕНИ--Нарын обл-нун Кочкор р-нунда, Кочкор кыш-нан 12 км түндүктө, Кыргыз Ала-Тоосунун чыгыш этегинде, Арсы сайынын сол өйүзүндө. Аймакта карбон мезгилинде пайда болгон сланец, акиташ теги, кумдук ж-а аларды жиреп чыккан сиенит массиви жатат. Кен массивдеги ири кристаллдуу сиениттен турат. Сиенит бозомук, көгүлтүр ж-а кызгылт түстө болуп, анортоклаз, биотит, роговая обманка ж. б. минералдардан түзүлгөн. Алардын кубулжуган эң кооз көрүнгөнү – анортоклаз. Ал башка минералдарга караганда чоңураак келин, порфир сымал негизги структураны түзөт. Кристаллдардын уз. 3–30 см. Туурасы 5–10 см. Алардын тоо тектеги өлчөмү 40–50%. Таштын мех. катуулугу 90–107 мПа. Көлөмдүк массадан блок алынышы 50%. I м³ таштан 2 см калыңдыктагы 23–24 жылмаланган такта алынат. Алар имараттардын ички, тышкы дубалын, таманын кооздоп каптоого жарамдуу.