БАДАЛДАР

БАДАЛДАР(frutex) ‒ түбүнөн бутактап өскөн көп жылдык жыгач өсүмдүктөр. Бийикт. 0,8 мден 2‒3 мге жетип, сабагынын диаметри бири биринен анча айырмаланбайт. Каптал бутактарынын (жерден өнүп чыккан) көптүгү м-н айырмаланып, негизги сөӊгөгү жаӊы чыккан бадалда гана жакшы байкалат. Сөӊгөгү 10‒20 (кээси 50) жыл, ал эми бир түп бадал жүздөгөн жылдар бою өсөт. Негизинен бардык алкактарда, субтропикте, тоолуу субальп алкактарда, Кыргызстанда да өсөт. Ал эволюциянын жүрүшүндө кургакчылыкка, төмөнкү темп-рага байыралуунун негизинде дарактан келип чыккан. Б-га табылгы, ыргай, аса-муса, чие, бөрү карагат ж. б. кирет. Айрымдары чарбачылыкта, медицинада ж-а техникада колдонулса, кээ бири көчө бойлорун жашылдандыруу үчүн өстүрүлөт. Жаш сабагы, жалбырагы малга тоют, кээде курулушта пайдаланылат К. Т. Шалпыков .