АМАДУ Жоржи

АМАДУ Жоржи (10.8.1912, Пиранги – 6. 8. 2001, Сальвадор ш.) – бразилиялык жазуучу, коомдук ж-а саясий ишмер. Бразилия жумушчу кыймылынын активдүү катышуучусу. Рио-де-Жанейродо юридикалык факультетин бүтүргөн. 1961-жылдан Бразилия академиясына мүчө. «Какао» (1933), «Тер» романдарында
рокедей-дыйкандардын аң-сезиминин ойгонушун чагылдырган. «Учу-кыйырсыз жерлер» (1943), «Сан Жоржи дос Ильеус» (1944) аттуу роман-экилтигинде, «Кызыл үрөндөр» (1946), «Азаттык подпольеси» (1952), «Түн күзөтчүлөрү» (1964) ж. б. повесттери м-н аңгемелеринде революциячыл маанайды, эмгекчилердин турмушун, күрөшүн, образдарын реализм позициясынан чагылдырган. «Тентиген кыздын кайта келиши» (1977) аттуу романы бар. Анын чыгармалары дээрлик бардыгы орус
тилине которулган. Эл аралык Лениндик сыйлыктын лауреаты (1951).