АЛЬМАНАХ

АЛЬМАНАХ (ар. аль-манах – календарь) – 1) коомдук иштердин ар кандай тармагындагы, көбүнчө адабий жаңылыктар, ил. жетишкендиктер, мыйзамда болгон өзгөрүүлөр ж. б. ж-дө маалыматтар берилген жыйнак (альманахтын бул түрү календарь-маалыматтамага окшош); 2) адабий альманах – көбүнчө кандайдыр бир окшоштуктары (тематикасы, жанры, идеялык көркөмдүгү ж. б.) б-ча түзүлгөн адабий чыгармалардын жыйнагы. 18-кылымдын орто ченинде Францияда, 18-кылымдын аягында Россияда чыга баштаган. Кыргызстанда 1950-жылдан кийин жаш калемгерлердин «Кыргызстан», «Учкун», «Көктөм» альманахтары чыгып келген.