АЖЫБЕКОВА Гүлсара

АЖЫБЕКОВА Гүлсара (27. 3. 1950‑ж. т., На­рын обл., Нарын ш.) – артист, КРдин эл артисти. 1972‑ж. Москвадагы А. В. Луначарский атындагы мамлекеттик театр институтунун актёрдук факультетин бүткөн. 1972‑жылдан Кыргыз мамлекеттик академиялык драма театрында артист, 2002‑04‑ж. Кыргызстан кине­матографисттер союзунун төрайымы болуп эмгектенген. Ажыбекова театрда ж‑а кинодо бүткүл инсандык, сүрөткердик кубаты м‑н каармандардын образын түзүп, алардын ички сырын, кулк‑мүнөзүн жөнөкөй, жеткиликтүү даражада бере алган. Аткар­ган негизги ролдору: Елизавета (У. Шекспир, «Ричард III»), Зубаржат (М. Карим, «Ай тутулган түндө»),

Гүлжан (Ч. Айтматов, К. Мухамеджанов, «Фудзиямадагы кадыр түн»), Уркуя (Н. Байтемиров, «Уркуя»), Бүбүжан (Ч. Айтматов, «Танабай коммунист»), Комиссар (В. Вишневский, «Оптимисттик трагедия»), Раневская (А. Чехов, «Алчалуу бак»), Кручинина (Островский, «Күнөөсүз күнөөлүү­лөр»), Флорелла (Лопе де Вега, «Бий мугали­ми»), Дудук Катрин (Б. Брехт, «Өлөрман эне жана анын балдары») ж. б. Ал кинодо да көптөгөн ролдорду аткарган: Сабира (реж. Т. Океев, «Кызыл алма»), Бермет (реж. К. Ак­маталиев, «Толкундар жээкте жоголот»), Чың­гызхандын аялы («Чыңгызхан», АКШ-Италия), Жамийланын энеси («Жамийла», АКШ-ГФР), Дарика (реж. Ж. Сооданбек, «Процесс»), Салима (реж. К. Акматалиев, «Июндагы үч күн»), Найман эне (реж. Б. Карагулов, «Найман эне­нин кошогу») ж. б. Дүйшөмбү шаарында өткөрүлгөн Орто Азия республикаларынын жана Казакстандын «Ноо­руз‑91» фестивалында «Петрарканын

«Найман эненин кошогу» кинофильминдеги Найман эненин ролунда – Гүлсара Ажыбекова.

окуусу» кинофильминен (реж. Р. Ибрагимбеков) тергөө­чү аялдын ролун мыкты аткаргандыгы үчүн лауреат деген наамга ээ болгон. 1998‑ж. «Бир актёрдун театры» м‑н Россия ж‑а Украи­нанын шаарларында гастролдо болуп, Еврепид­дин «Медея» спектаклин коюшкан. 2006-жылдан «Гульса­ра» менчик оюн‑зоок кинофирмасын жетектеп келет. Медалдар м‑н сыйланган.
Т. Сатаров.