АММОФОС

АММОФОС (аммиак ж-а фосфор) – кош азотфосфорлуу комплекстүү минералдык жер семирткич. Фосфор диаммоний фосфаты кошулган (10% ке чейин) моноаммоний фосфаттан NH₄H₂P0₄ турат. Курамындагы азот аммоний сульфаты түрүндө болот, концент. семирткичтердин катарына кирет: N 11-12%, Р₂0₅ 46-60%. Аммиакты фосфор к-тасы м-н нейтралдаштырып алышат: NH₃ + Н₃Р0₄ = NH₄H₂P0₄. Агрономиялык баалуулугу жогору, комплекстүү жер семирткичтердин эң таасирдүүсү. Түрдүү топуракта негизги ж-а кошумча жер семирткич катары колдонулат, к. Комплекстуу жер семирткичтер.