АКАДЕМИЯЛЫК БАСЫЛМА

АКАДЕМИЯЛЫК БАСЫЛМА - жазуучулардын бардык чыгармаларынын ж‑а алардын ар кан­дай варианттарынын комментарийлер м‑н жаб­дылган толук басылышы. Мындай басылыш бел­гилүү окумуштуулар тарабынан же алардын ка­тышуусу м‑н ишке ашырылат. Текст сунуш кы­лууда автордун кол жазмаларынан, анын өзгөрткөн кошумчаларынан, бир эле чыгарманын бир нече варианттарынан ж‑а башка редакция­ларынан пайдаланылат. Академиялык басылмада текстке илимий түшүндүрмө берилет, иштөөдө пайдаланууга ыңгайлуу болсун үчүн илимий-маалыматтык аппарат м‑н коштолот. Мындай басылыштан бардык илимий аталыштагы эмгектер чыгарылат (мис., С. Кара­лаев м‑н С. Орозбаковдун айтуусундагы «Манас» эпосунун академиялык басылыштары ж. б.).