АЖЫРАТКЫЧ

АЖЫРАТКЫЧ электрдик – обочолоткучка (изоляторго) бекитилип, кыймылдуу ж‑а кый­мылсыз тиймектерден турган электр тех. тү­зүлмө. Анын негизги кызматы электр тизме­гинин кээ бир бөлүктөрүн агын (ток) жок кез­де ажыратуу ж‑а алмаштырып бириктирүү. А. электр тизмегинде көрүнүүчү ажырымды түзөт ж‑а жогорку чыңалуудагы бөлүштүрүүчү түзүл­мөлөрдүн өчүрүлгөн бөлүгүндө негизинен уту­румдук ж‑а оңдоо ишин жүргүзүүдө коопсуз­дукту камсыз кылат. А‑тын чабылуучу (6­10 кВтук чыңалууда, бычагы кыймылдуу тий­мектик тегиздикте чабылат), айлануучу (35 кВтон 500 кВко чейинки чыңалууда, бычагы жерге жарыш тегиздикте айланат), п а н ­т о г р а ф т ы к (чыңалуусу 500‑750 кВтук, бычагы пантограф түрүндө жыйналып‑жазыла турган), а с ы л м а ж. б. түрлөрү болот.