АБАКИРОВ Барктабас

 Барктабас (2. 5. 1933, Нарын обл., Кочкор р-ну, Төрткүл айылы - 26. 5. 2006, Биш кек) - акын, журналист, коомдук ишмер, КРнын мад-тына эмг. сиң. ишмер (1983). Бишкектеги К. И. Скрябин атн. Айыл чарба ин-тун (1955), Москвадагы Жогорку партиялык мектептин журналистика бөлүмүн (1970) бүткөн. 1963-ж. «Советтик Кыргызстан», 1963-68-ж. райондук «Эмгек туусу», 1971-80-ж. облустук «Нарын правдасы» гезитинде башкы редактор, 1983-ж. «Кыргызстан» басмасында директор, 1987-ж. «Кыргызстан айыл чарбасы» журналында башкы редактор, 1987-жылдан КРдин Маданият министрлигинде жетектөөчү редактор болуп иштеген. «Чаарчык» аттуу туңгуч ырлар жыйнагы 1961-ж. жарыкка чыккан. Ал «Сапар» (1965), «Тоо таңы» (1968), «Бийик жерде» (1970), «Нарын агат» (1973), «Жылдар барагы» (1978),

«Күтүү» (1979), «Соң-Көл толкуну» (1982), «Элүүнчү жаз», «Жыр кесте» (1983), «Нарын күндөрү», «Арча бешик» (1985), «Өмүр кадамдары» (1989), «Манасчы Сагымбай» (1993), «Кыргыз үнү» (1997) аттуу китептердин автору. Лирикаларында, публ. поэмаларында бийик гражд. пафос, терең социалдык мазмун ачык туюлат. Анын 200дөн ашык ырларына музыка жазылган. Китептери орус, казак тилдерине, көптөгөн ырлары дүйнө элдеринин тилдерине которулган. М. Ю. Лермонтов, С. Есенин, Р. Гамзатов, М. Турсун-Заде, Д. Кугультинов, Б. Степанюк, В. Бээкман ж. б. акындардын ырларын кыргызчага которгон. «Ардак Белгиси» ордени ж-a медалдар м-н сыйланган. Ж. Медералиева.