АНФИЛАДА

(фр. еnfilade – жипке тизүү) – коомдук имараттын, ак сарайдын, менчик үйдүн интерьеринде мейкиндик перспективасын түзгөн, бир түз сызыкта жайгашкан эшик кашектеринин, бөлмөлөрдүн бири-биринин аркасынан орун алган ырааттуу катары. Имараттын композициялык огу катары А. принциби классицизм бароккосунун ак сарайлар арх.-расына өзгөчө мүнөздүү, бирок дүйнөлүк арх.-рада кеңири колдонулат. А. тибиндеги курулуш Кыргызстанда да бар.