АНЖИЯН ШААРЫ

 Өзбекстан Респ-сындагы

шаар, Анжиян облусунун адм. борбору. Фергана өрөөнүнүн чыгышында жайгашкан. Калкы 410 миң (2015). Темир жол түйүнү. Аэропорт бар. 9-к-дан Андукан деген ат м-н белгилүү болуп, Саманид, Караханид, Монгол Тимурид, Бухара ж-а Кокон хандыктарынын курамына, 1876-ж. Россия империясынын курамына кирген. 1898-ж. Анжиян көтөрулушунун башкы борбору болгон. Өзбекстандагы маанилүү өнөр жай борбору. Машина куруу (электртех., ирригация жабдуулары), жеңил (кебез-кездеме, буткийим, трикотаж, тигүү), тамак-аш-татымал өнөр жайы; гидролиз ж-а 2 пахта з-ду бар. Төрт <notkey>ЖОЖ</notkey>, тарыхый-край таануу музейи, медресе, Жами минарети (19-к-дын аягы), муз.-драма (1919), «Лола» куурчак ж-а Жаштар театры иштейт.