АЗ КАНДУУЛУК

 анемия– кызыл кан денечелериндеги гемоглобиндин азайышы м‑н мүнөздөлгөн оору. Ага канды көп жоготуу (да­роо же өнөкөт кан кетүүдөн), эритроциттердин, кан пайда болуунун бузулушу, денеде темирдин, кээ бир витаминдердин жетишсиздиги, сөөк чучугунун жабыркашы, о. эле айрым жугуш­туу оорулар себеп болот. Денеде В12 витамини м‑н эритроциттеги гемоглобиндин, ферменттер­дин курамына кирүүчү темир аз болгондо А. көп кездешет. Көбүнчө кан көп кеткенден (этек кир, геморрой, карын жарасы ж. б.) болот. Көп төрө­гөн, баланы көпкө эмизген аялдарда, о. эле бала эттүү тамакты аз жегенде көп байкалат. Эне нин денесинде темир аз болсо, эмчектеги бала­да да А. к. өнүгүшү ыктымал. Белгилери – эн­тигет, жүрөк катуу согуп, бат чарчайт, баш ай­ланып ооруйт, көз чыбырчыктайт, чач түшөт, тырмак сынат, ич өтөт, өңү, көз чели кубарып, кер сары тартат. Изилдөөдө эритроциттердин са ны анча өзгөрбөй, гемоглобиндин саны азаят. Ооруну алдын алууда кан кеткен жерди өз уба­гында таап, токтотуу, туура ж‑а темирге бай азык м‑н тамактануунун мааниси чоң. Темир­лүү дарылар м‑н узак, такай дарылануу керек.