АК-СУР ТАШ КӨМҮР КЕНЧЕСИ

АК-СУР ТАШ КӨМҮР КЕНЧЕСИ Кендин жазы аянты Ош облусунун Өзгөн районунда, Чытты жана Кара-Булак сууларынын аралыгында. 1945-жылдан белгилүү. Бул жерде көмүрдүн 5 кабаты бөлүнгөн. Алардын калыӊдыгы 0,20‒1,4 м. Көмүрдүн маркасы болжол менен антрацитке (А) жакын. Көмүрдүн орточо күлдүүлүгү 6,15%, орточо күйүү жылуулугу 34,87 МДж/кг (8330 ккал/кг ). Болжолдуу ресурсу 300 м тереӊдикке чейин 15 млн т.