АЙДАРКЕН КЕНТАШ КАЛДЫГЫН САКТОО ЖАЙЫ

АЙДАРКЕН КЕНТАШ КАЛДЫГЫН САКТОО ЖАЙЫ – Баткен облусундагы Айдаркен шаарына жакын жайгашкан. «Айдаркен сымап комбинаты» мамлеттик акционердик коомуна караштуу. 1967‑жылы ишке киргизилген. Аянты 40 000 м². Консервацияланган эмес. Мында Айдаркен сымап кенинин рудасын иштетип, пайдалуу ме­таллды бөлүп алгандан калган, курамында сымап, сурьма, фтордуу кальций, мышьяк ж. б. бар кенташ (руда) калдыктары сакталат. Азыркы абалы эколологиялык жактан канааттандырарлык, бирок жалпы эколологиялык системаларга таасирин тий­гизип турат.
Ад.: Геоэкологическая безопасность и риск природно‑техногенных катастроф на территории Кыргызстана. Б., 1999.

Б. Үсөнканов.