АХАЛТЕКЕ ЖЫЛКЫСЫ

эӊ байыркы миӊги жылкынын бири. Түркмөнстанда элдик селекция жолу м-н чыгарылган. 17-к-да эле түркмөн жылкылары миӊги жылкы катары көп өлкөгө алып келинген. Көп кылым бою А. ж-н башка

жылкыга аралаштырбай өз алдынча тандоо жолу м-н сапаты улам жакшыртылып келген. А. ж. өтө сындуулугу м-н айырмаланат. Күлүк, кургакчылыкка, ысыкка чыдамдуу. Башы салыштырмалуу

кичине, мойну узун, ичке, өркөчү бийик, бели узун, көөдөнү кууш, соорусу салыӊкы, териси жука. Айгырынын ыйык жалынан бийикт. 154см (бээсиники 152 см), дене уз. 154 см, көкүрөк курчамы 165‒167 см, шыйрагынын жоондугу 19 (18) см. Өӊү тору, көк, аккула, кара, карагер, күрөӊ. Кунан кезинде 1000 м аралыкты 1 мин 07 секда, бышты кезинде 1200 мди 1 мин 19 секда, 2000 мди 2 мин 15,6 секда, асыйдан ашкандары 2400 мди 2 мин 44 секда, 4800 мди 6 мин 01 секда чуркап өтөт. Ал Түркмөнстанда, Казакстанда, Өзбекстанда асыралат. Кырг-нда кыргыз жаӊы жылкысын жакшыртууга пайдаланылууда.
Ад.: Конские породы Средней Азии. М., 1937.