БРУНЕЙ.

Өлкөдө шайлоо болбогондугуна карабастан, 20-к-дын аягы – 21-к-дын башында расмий түрдө Бруней Улуттук Бириккен партиясы (БУБП) жана Улуттук өнүгүү партиясы (УӨП) түзүлгөн (Б. улуттук партиясынын мурдагы лидерлеринин бири Яссин Аффанди тарабынан 2005-ж. негизделген). 2013–14-ж. Б. бийлиги бир катар өлкөлөрдүн жана эл аралык уюмдардын сынына кабылган шариат нормаларын өлкөнүн мыйзамдарына акырындык менен киргизе баштады.