АНХАЛЬТ

АНХАЛЬТ, А́ н г а л ь т – тарыхый облус. Борб. Германиянын Саксония-Анхальт жеринде жайгашкан. 12-к-да А. графтыгы, 1212-ж. А. княздыгы, 1863-ж. Анхальт герцогдугу түзүлгөн. 1871-жылдан Германия империясынын курамында. 1918-ж. Германияда монархия кулатылгандан кийин А. эркин мамлекетке айланган. 1945-ж. А. саясий бирдик катары өзүнүн саясий жашоосун токтоткон. Экинчи дүйнөлүк согуш аяктагандан кийин А. сов. оккупация зонасына кирген. Сов. аскер администрациясы 1947-ж. А-ты Саксония менен бириктирип, Саксония-А. аймагына кошкон. 1949-ж. октябрда ГДРдин түзүлүшү менен Саксония-А. аймагы анын курамына кирген. 1991-ж. Германия бириккенден кийин адм. реформа жүргүзүлүп, 1994-ж. Саксония-А. аймагында А.-Цербст р-ну түзүлүп, байыркы тарыхый аталышын калыбына келтирген.