АНТРАЦЕН

АНТРАЦЕН, С₁₄Н₁₀ – конденсацияланган ароматтык углеводороддор. Түссүз кристалл, балкып эрүү t 216,6°С, кайно t 351°С, органикалык эриткичтерде аз эрийт; эритмеси кызгылт көк. Техникада А. таш көмүр чайырынын 300-350°Сде кайноочу фракциясынан бөлүнүп алынат. Синтездик жол менен Фридель-Крафтс же Фиттинг реакциясынан, ошондой эле антрахинонду калыбына келтирүүдөн алы­нат. 1-жолу 1832-ж. таш көмүр чайырынан табылган. А-дин мезо-көмүртек атомдору реакцияга оңой кирет, анын кычкылданышынан антрахинон алынат.