АНАБАПТИСТТЕР

АНАБАПТИСТТЕР (гр. anabaptizo – кайра сууга салам, б. а. кайра чокундурам) – 16-кылымда Швейцария, Германия, Австрия, Моравия жана Нидерландыда жаралган протестанттык кыймылдын жактоочулары. Алардын өзгөчөлүгү өз мүчөлөрүн экинчи жолу (аң-сезимдүү куракка жеткенде) чокундурушкан. Анабаптисттер чиркөөнүн башкаруу иерархиясын айыпташкан, мүлктү жалпыга таандык кылууга үндөшкөн. Крест жортуулуна (1524–26) катышкан. 1934-ж. Мюнстердик коммунаны түзүшкөн, бирок ал 1535-ж. католиктик аскерлер тарабынан талкаланган. Учурда анабаптисттердин ишин 3 протестанттык кыймыл (амиштер, гуттериттер, меннониттер) улантууда. Алардын 57 өлкөдө 730 миндей жактоочулары бар.