АССИЗИ

 (Assisi) ‒ Италиядагы шаар. Перуджа провинциясында (Умбрия обл.). Калкы 27,5 миӊ (2010). Перуджа ш-нан түш.-батышта, дөӊсөөдө (бийикт. 424 м) жайгашкан. Б. з. ч. 7-к-да Вилланова доорунда пайда болгон. 8-к-дын аягынан Папа мамлекетине, 12-к-дын 70-ж-нан Ыйык Рим империясына караган. 15-к-дан бирдиктүү Италия королдугу түзүлгөнгө чейин (1870) Папа мамлекетинин курамында болгон. Шаардын о.кылымдагы көрүнүшү сакталган. Санта-Ма рия (16‒17-к.), Палаццо Комунале (учурда пинакотека, 1337), Ыйык Франциска монастырь комплекси ‒ базилика (1228) ж. б. арх-ралык эстеликтер (чиркөөлөр, монастырлар, чептер) сакталган. 1997-жылдагы жер титирөөдөн базилика катуу талкаланган. Шаар Бүткүл дүйнөлүк мурастын тизмесине кирген. Диний зыярат кылуунун эл аралык борбору. Экономикасынын негизин туризм түзөт.