АМПЕРМЕТР

АМПЕРМЕТР – турактуу жана өзгөрмө ток күчүн ченөөчү прибор. Ток күчүн өлчөө чегине карай кило-, милли-, микроамперметрге айырмаланат. Ток чынжырына А. удаалаш туташтырылат. Өзгөрмө токтун күчүн өлчөөдө А. түзөткүч приборлор менен жабдылат. Күчтүү ток шунт же ток трансформатору же кошумча түзүлүштөрү бар А., ал эми аз чоңдуктагы токту өлчөө үчүн токтун күчөткүчү жана күчөтүлгөн сигналды кабыл алуучу электр өлчөгүч механизмдер менен жабдылган А. колдонулат. Азыркы кездеги ар түрдүү А-лердин ченөөчү чеги 10⁻¹⁵А – 100 кАден жогору. Техникада цифралуу А. кеңири колдонулат.