АЛМАН

АЛМАН‒ элден чогултулган салык, алым. 1) жоокерчилик заманда душманды жеӊүү үчүн согуштук курал-жаракты даярдоого, ири курулуш иштерин жүргүзүүгө кеткен калк каражаты. Согушта жеӊген тарап жеӊилген тараптын элинен олжо түрүндө А. чогултуп, жеӊген эл бөлүп алган; 2) бир элдин жери аркылуу өтүп бара жаткан жүргүнчүлөрдөн, жортуулчулардан, соодагер-кербенчилерден, көчтөн да азык-түлүккө зыян келтирилди деген доомат менен А. алынган.