АНЖЫР

АНЖЫР (Ficus carica) – өсүмдүктөрдүн тыттар тукумунун фикус уруусундагы субтропиктик мөмө дарагы. Бийикт. 12-15 м. Сөңгөгүнүн диам. 0,2 – 0,5 м. Тамыры жоон, бутактап өсөт. Күбүлмө жалбырагы жазы, 7 тилкелүү. Майда гүлдөрү ал мурут сымал, топ гүлү сиконияга чогулган. Ири мөмөсү көп уруктуу, тоголок же алмурутка окшош, таттуу, жумшак, сал м. 32-77 г. Курамында

кант, пектин заттар, А, С, B_lf В₂ витаминдери, каротин, кальций, темир, фосфор бар. Мөмөсү жумшак болгондуктан, көпкө сакталбайт. Жаңы кезинде, кургатылып желет, кыям, компот даярдалат. А.– эки үлүштүү өсүмдүк, 2-3 жылдыгынан баштап мөмө байлап, 50-80 жылга чейин мол түшүм берет. Жер Ортолук деңиз жээктеринде, Кичи Азия, Иран жана Индияда жапайы түрү өсөт. Кавказда, О. Азияда, Крымда жапайы жана эгилме түрү бар. Кыргызстандын Ош обл-нда өстүрүлөт. Кызыл китепке катталган.