АЛЛИЛ СПИРТИ

АЛЛИЛ СПИРТИ, CH2=CH‒CH2OH ‒ каныкпаган эӊ жөнөкөй спирт, мол. салмагы 48,08, кескин жыттуу, түссүз суюктук, кайноо t 96,9 °C. Суу, спирт, эфир менен бардык көлөмдө аралашат. Спирт тобуна жана кош байланыштуу этиленге мүнөздүү реакцияларга кирет. А. с. глицеринди суусуз козу кулак к-тасы менен кошуп, 150 °C чейин ысытуудан алынат: CH2(OH)CH(OH)‒ ‒CH₂OH + (COOH)₂→CH₂=CH‒CH₂ OH+2H₂O+2CO₂. А. с. глицерин, синтездик чайыр жана пластмасса алууда колдонулат.