АЙМАК

АЙМАК – жер бетинин өзүнө мүнөздүү табигый,ошондой эле адамдын таасиринен пайда болгон касиеттери жана ресурстары бар белгилүү бир бөлүгү. Айрым чет өлкөлөрдүн административдик-аймактык бирдиги (мис., Монголияда, Тувада, Бурятияда, Дагстанда). Башка тилдерде Аймак – уруу, урук‑тукум, эл‑журт (фарсы, эвенк, якут), кыштак, маала, коом (азербайжан), айылдын чети (татар, мари), көп (башкырт) деген маанилерди берет.