АЛГЕБРАЛЫК ТЕҢДЕМЕ

АЛГЕБРАЛЫК ТЕҢДЕМЕ ‒ алгебралык эки туюнтманы барабарлоодон алынган, f_n=0 түрүндөгү теӊдеме, мында f_n ‒ бир же бир нече өзгөрмөгө көз каранды болгон n-даражадагы көп мүчө (ni0). Бир өзгөрмөгө көз каранды болгон А. т. төмөнкүчө жазылат: a₀xⁿ+a₁ x^n‒1+…+a_n=0, мында n ‒ бүтүн оӊ сан, a₀, a₁,… a_n ‒ берилген сандар жана теӊдеменин коэфф-тери деп аталат, ал эми x ‒ өзгөрмө чоӊдук, анын сан маанисин табуу керек. Берилген А. т-лерди канааттандырган, б. а. xтин ордуна койгондо берилген теӊдемелерди теӊдештикке айландырган xтин маанилерин теӊдемелердин, о. эле төмөнкү көп мүчөнүн да тамырлары дейбиз: f_n(x)=a₀xⁿ +a₁x^n‒1+…+a_n . Көп мүчөнүн тамырларын анын коэфф-тери менен байланыштырган Виет формулалары белгилүү, к. Виет теоремасы.

                                                                                                         А. А. Чекеев, С. С. Токсонбаев.