АДЫР-ТӨР МӨҢГҮСҮ

АДЫР-ТӨР МӨҢГҮСҮ Сары‑Адыр-Төр мөңгүсү -Жаз кырка тоо­сунун түндүк капталындагы татаал өрөөн тибин­деги мөңгү. Сары‑Жаз суусунун жогорку сол куймасы Адыр‑Төр суусунун алабында, Мушкетов мөңгүсүнүн түштүк тарабында жайгашкан. Узундугу 6 км, аянты 11,0 км². Мөңгүнүн башы деңиз деңгээлинен 5580 м, этеги 3450 м бийиктикте жатат. Кар чегинин бийиктиги 4000 м. Абляциясынын аянты 4,2 км². «Тили» 1943‑жылы өтө чегинип, ты­гыз абалда болгон. 1959‑жылы ал 540 мге алдыга жылып, Мушкетов мөңгүсү жаткан өрөөнгө чык­кан. Негизинен кар көчкүлөрдөн куралат. «Ти­линин» учунан фирн облусуна чейинки бети төө ка­рын (морена) сымалданып тегиз эмес, жарака­лар арбын. Мөңгүдөн агып чыккан суу Адыр­-Төргө сол жактан куят.