АКВАЛАНГ
Jump to navigation
Jump to search
АКВАЛАНГ (лат. agua – суу, анг. lung – жеңил) – адамдын суу астында дем алышы үчүн жонуна асынып жүрмө автономиялуу аппарат. 1943‑ж. фр. Ж. И. Кусто менен Э. Ганьян ойлоп чыгарган. Кысылган абалуу баллондон жана дем алдыргыч аппараттан турат. Көбүнчө суу астындагы спортто, чөгүп бараткандарга жардам берүүдө, суу астындагы изилдөө иштеринде, тех. жумуштарда, балык уулоодо ж. б‑да колдонулат. Бирок, кысылган абадагы азот адамга талыкшытуучу терс таасир тийгизгендиктен, аны менен 40 м тереңдиктен төмөн түшүүгө болбойт.
Аквалангдын түзүлүшү: 1- аба толтурулган баллон; 2- дем алдыруучу автомат; 3- дем алдыруучу түтүк; 4- дем чыгаруучу түтүк; 5- томого; 6- кур.