АВТОХТОН

АВТОХТОН (гр. autochton ‒ жергиликтүү) ‒ 1) алгачкы пайда болгон жеринде басырылып калган материалдардан турган тоо тектер жана кендер. Терминди 1883-жылы К. В. фон Гюмбель көмүргө колдонгон (мисалы, өсүмдүктөр өскөн ордунда таш көмүргө айланышы); 2) автохтондуу структуралар (автохтон) ‒ тектоникалык бузулуулардан кийин өз ордунда калган бүктөлүү түзүлүштөрүнүн бир бөлүгү. Автохтондун тескери мааниси аллохтон .