АЛЫБАЕВ Жолболду Парпиевич

АЛЫБАЕВ Жолболду Парпиевич (1947-ж. т., Ош обл., Өзгөн р-ну, Зергер айылы) – обончу, ырчы, акын, дастанчы. КРдин эл артисти (2003). Ош педагогикалык институтунун музыка факультетин бүтүргөн (1965). 2002-жылдан Ош МУнун доценти. 50дөн ашык обондордун автору. Аккордеондун, комуздун коштоосунда «Туулган жерге», «Дилбар ай»,

«Кыздар», «Өзбек кызына», «Кош алма», «Чолпонум», «Арман», «Рыспайга кат», Жеңижоктун «Көк сулуу», «Балам жок», Барпынын «Мырзайым», «Буракжан», «Жарга жыгылса суу», Корголдун «Сен, сен дүйнө», Молдо Нияздын «Даткайым», Нурмолдонун «Өмүр», элдик «Акжамал» ж. б. ыр, дастандарды аткарган. Калыгулдун «Тар заманын» ырчылардын ичинен алгачкылардан болуп калк алдына ырдап чыккан. «Гүлазык», «Чолпонум» аттуу ырлар жыйнактары жарык көргөн. Бир нече медалдар менен сыйланган.