АЛА-ТОО КРОКУСУ
18:05, 25 Январь (Үчтүн айы) 2022 карата 228-323>KadyrM тарабынан жасалган версия
(Crocus alatavicus) ‒ чекилдектер тукумунун бир түрү. Көп жылдык пияз түптүү өсүмдүк. Пияз түбү тоголок, бийикт. 1‒2 см, калыӊ күрөӊ кабыктарга оролгон. Жалбырагынын саны 5‒15, кууш тасма сымал, гүлү ак, жыпар жыттуу, мөмөсү сүйрү кутуча. Февраль, апрелде байчечекейден кийин эле эрте гүлдөөчү өсүмдүк. Март, июнь айларында уругу бышат. Кыргыз Алатоосунда, Талас, Фергана ж-а Чүйдүн сары топурактуу өрөөндөрүндө, адырларында таралган кооз өсүмдүк.