АЛЬДАБАРА

– Инд а-ндагы атолл. Сейшел а-нда. Табийгый резерват. Аянты 350 км². Анын 190 км² ге жакыны кургактык. Коралл аки таштан түзүлгөн. Төрт ири жана көптөгөн майда аралдардан турат. Терең жаракалар, үңкүрлөр жана киши өтө алгыс лабиринттер мүнөздүү. Жээктерин бойлой мангр өсүмдүктөрү, лагуналарында деңиз чөптөрү өсөт. Атолл деңиз ташбакаларынын жумурткалоочу жайы. Канаттуулардан олуши, фрегаттар, альдабара дронгосу (жоголуу коркунучу алдында турат) уялашат. Курт-кумурскалардын 1000ден ашык түрү (анын ичинде 40 түрү эндемик) кездешет. Флоранын 20%и эндемик. Атолл Бүткүл дүйнөлүк мурастын тизмесине киргизилген.