АХМАДАБАД

А х м е д а б а д ‒ Индиядагы шаар. Батыш Индиянын маанилүү өнөр жай ж-а соода борбору. Сабармати д-нын боюнда жайгашкан. Гужарат штатында. 1411-ж. негизделген. Калкы 5,6 млн (2011). Жолдор тоому. Текстиль өнөр жайынын (кебезден жип ийрүү ж-а токуу, жасалма жибек) ири борбору. Металл иштетүү, хим., булгаары, ширеӊке өнөр жайы бар. Кустардык жол м-н парча, жибек токуп чыгаруу, зер ж-а лак буюмдарын жасоо, көркөм оймо түшүрүү өнүккөн. Гужарат ун-ти, триумфалдуу Тин-Дарваза дарбазасы (15-к.), Рани-Сипри мечити күмбөзү м-н (1514-ж. курулуп бүткөн) сакталган.