АВТОБИОГРАФИЯ

АВТОБИОГРА́ФИЯ (авто…, био... ж-а ...графия ) ‒ 1) өз өмүрүндөгү негизги окуяларды кыскача документалдуу баяндоо; 2) кара сөз м-н жазылган, мемуарга ыктаган адабий жанр. Мемуардан айырмасы: мында автор жеке өзүнүн башынан өткөргөндөрү, ой-сезимдери, көз караштары тууралуу кеӊирирээк сөз кылат. Автобиография ‒ дүйнөлүк адабияттагы байыркы жанр. Көркөм адабиятка Ж. Ж. Руссо ж-а А. И. Герцен негиз салган. Дүйнөлүк классиктердин айрым чыгармалары да автобиографиялык мүнөздө. Кыргыз адабиятында М. Элебаевдин «Узак жолу», А. Токомбаевдин «Автобиографиялык фрагменттери», А. Осмоновдун «Жазуучулук баяным» аттуу чыгармаларын мисалга алсак болот. Адамдын өз таржымалын кыскача баяндап жазышы да автобиография деп аталат.