АЗЫКОВА Эмилия Кулиевна

 Эмилия Кулиевна (29. 10. 1935, Фрунзе ш.– 29. 12. 2003, Бишкек) – география илимд. доктору (1994). 1958‑ж. М. В. Ломоносов атн. Москва мамл. ун‑тинин география ф‑тин бүтүргөндөн кийин, Кыргыз ССР ИАнын Тянь‑Шань (учурда Теңир-Тоо) бийик тоолуу физ. география стан­циясында лаборант, жетектөөчү ил. кызмат­кер болуп иштеген. 1989‑жылдан Кыргыз ССР ИАнын Геология ин‑тунда лаборатория башчы­сы. Палеогеография, физ. география, ландшафт таануу б‑ча 90дон ашык ил. эмгектин, а. и. 5 монографиянын авторлошу. Анын эмгектери Москва, Санкт‑Петербург ж. б. шаарлардан жарык көргөн. «Кыргызстандын аймагынын ландшафты» ж‑а «Жаратылышты коргоо» карта­ларынын автору.

Эмг.: Особенности формирования современных споровопыльцевых спектров Иссык‑Кульской котловины. В кн. Физическая география Прииссыккулья. Ф., 1970 (соав.); Озеро Иссык‑Куль (очерки по физической географии). Ф., 1978 (соав.); Атлас Кыргызской ССР. Т. 1., Раздел «Ландшафты». М., 1987; ККИПР (космос). Ландшафтная карта. Масштаб; 1:500 000. М., 1989. С. М. Ахмедов.