«АВРОРА»

 – Балтика флотунун 1-рангадагы брондуу крейсери. 1900-ж. сууга түшүрүлгөн, 1903-ж. флот катарына кирген. 1904–05-ж. орус-япон согушунда Цусима салгылашуусуна катышкан. 1917-ж. 25-октябрда (7-ноябрь) «А-нын» замбирегинен атылган кур дүрмөт большевиктерге Кышкы сарайды алууга белги берген ж-а анын десанты куралдуу көтөрүлүшкө тике катышкан. 1948-ж. 17-ноябрда рев-янын эстелиги катары «А-нын» Нева д-нда түбөлүк туруусу белгиленген. 1956-ж. «А.» крейсеринде Борб. аскер-деңиз музейинин филиалы ачылган (Санкт-Петербург ш.).