АНТРОПОЦЕНТРИЗМ
20:37, 13 Июль (Теке) 2022 карата Kerimova-59 (Талкуулоо | салымдары) тарабынан жасалган версия
(антропо'... ж-а лат. centrum – борбор) – демейки мааниси: Ааламдын борбору – адам ж-а анын жогорку максаты; ил. мааниси: адамды ааламдын борбору катары карап, өзүнөн бийик турган эч ким жок, автономдуу жаратман деп түшүндүргөн философиялык көз караштардын ориентациясы. Европалык жаңыча ой жүгүртүүнүн жалпы мүнөзүн билдирген дүйнөгө көз караш катары Кайра жаралуу доорунда калыптанган. Апостол Павелге улай, Августин адамдагы али белгисиз түпкү теренде катылып жаткан Рух уңгусун ачкан. Анын пикири б-ча табышмактуу жан дүйнө ээсинде (адамдын өзүндө) эч билинбей терең түпкүрдө «кулпуланып» жаткан, жалаң гана кудайга маалым нерсе. Аны билүү, андай жөндөмгө жетүү – Теңир таанымга тете сыяктанат, б. а. ашкере сырттан, ашынган өзүмчүл, агрессивдүү Кудай адамдар чыгышына өбөлгө (Ф. Ницше) түзүүдө. Постмодерн философиясынын өкүлдөрү да жогоркудай Ф. Ницше оюна жакын варианта турушат.