АҢЫР

, кызыл өрдөк – каз сымалдар

түркүмүндөгү өрдөктөр тукумунун өкүлү. Уз. 60 смге жакын. Тулку бою куйкул сары түстө, канаттары ак, кара, узун, куйругу да кара. Түш. Европа, Түн. Африка ж-а Азияда тузсуз ж-а туздуу көлмө жээгинде, О. Азияда 4500 жге чейинки бийик тоолордо таралган. Кыргызстанда уясын суудан алыс аскаларга, суур, кашкулак, түлкү ийиндерине салат. Уяга 8-12 жумуртка тууп, ургаачысы басып чыгарат. Өсүмдүк, жаныбар, о. эле тарпты да жейт. Күзүндө анча чоң эмес топ түзүп, Түш. Азияга кыштоого учуп кетет.